ហេតុអ្វីប្រាសាទអង្គរវត្តបែរទៅមុខទៅទិសខាងលិច ខុសពីប្រាសាទដ៏ទៃ
អ្នកដែលសម្គាល់ថា ប្រាសាទថ្មបុរាណខ្មែរស្ទើរទាំងអស់សុទ្ធតែបានសាងសង់បែរមុខទៅទិសខាងកើត ដែលជាទិសនៃព្រះអាទិត្យរះ ក៏ប៉ុន្តែមានតែប្រាសាទអង្គរវត្តមួយគត់ បានសាងសង់បែរមុខទៅទិសខាងលិច។ចម្ងល់មួយនេះមិនមានកត់ត្រានៅក្នុងសិលាចារឹកណាមួយនោះឡើយ ក្រៅតែពីការសន្និដ្ឋានរបស់ប្រវត្តិវិទូមួយចំនួនប៉ុណ្ណោះ។
យោងតាមសៀវភៅមគ្គុទេសន៍ទេចរណ៍របស់លោកអាចារ្យប៉ាងខាត់ បានបរិយាយថា ប្រាសាទនគរវត្ត ដែលស្ថិតនៅខាងត្បូងប្រាសាទ អង្គរធំ ចម្ងាយ១.៥ គម បែរមុខទៅទិសបច្ចិម។ មានផ្លូវចូលពីទិសខាងលិច ដែលខុសពីច្បាប់កសាងប្រាសាទទាំងពួង ។ ការសរសេទុកក្នុងសៀវភៅរមួយចំនួន គឺផ្ដាតលើកត្តាពីរយ៉ាង:
-ទី១:
បើសាងសង់ប្រាសាទបែរមុខទៅខាងកើត ប្រៀបដូចជាហុចគូទឲ្យប្រាសាទនានា ដែលនៅតំបន់អង្គរ។ ព្រោះប្រាសាទផ្សេងៗបែរមុខទៅខាងកើត។
 |
| ប្រាសាទអង្គរវត្តបែរទៅទិសខាងលិច |
-ទី២: ប្រាសាទនេះបានសាងសង់ ទៅទិសខាងលិច ទំនងជាផ្នូលរបស់វរជនណាម្នាក់។ លោកហ្សេសឹ និងលោកហ្សកសឺដេស ដែលបានសន្និដ្ឋានថា ព្រះបាទសូរ្យវរ្ម័នទី២ ទំនងចង់ទុកប្រាសាទនេះបញ្ចុះសពរបស់ទ្រង់។ ភ័ស្តុតាងបន្ថែមចំពោះការមើលឃើញបែបនេះត្រូវបានផ្ដល់ដោយចម្លាក់លៀនស្រាលៗ ដែលធ្វើឡើងតាមក្បួនដើម្បីប្រឆាំងនឹង ទក្ខិណាវដ្ត-ប្រសវ្យៈជាយត្តសព្ទវិជ្ជាហិណ្ឌូ ដូចនេះគឺជាការបញ្រ្ចាស់ពីរបៀបធម្មតា។ជាមួយគ្នានេះដែរ បុរាណវិទូឆាលអឹស ហាយអ៊ែម ក៏បានពិពណ៌នាអំពីក្រឡបញ្ចុះសពដែលត្រូវបានគេយកមកពីប្រាង្គកណ្ដាល។ វាត្រូវបានហៅដោយអ្នកខ្លះថា ជាការចំនាយកម្លាំងដ៏ច្រើនលើសលុប លើសាកសព។ចំនែកបុរាណវិទូ ហ្រី្វមឹុន និងបានកត់សម្គាល់ថាការបង្វែរទិសរបស់អង្គរវត្តការឧទ្ទិសដល់ព្រះវិស្ណុ ដែលេជាព្រះអង្គរាប់អាននឺងព្រះអង្គ។
Comments
Post a Comment